नवी दिल्ली : भरगच्च पैसा कमावण्याच्या हेतूने दररोज नवीन गुंतवणूकदार कमाई आणि गुंतवणूक सुरू करण्याच्या इच्छेने डीमॅट खाते सुरू करतात. अनेकवेळा त्यांना कोणत्या ना कोणत्या कारणाने नुकसान सहन करावे लागते. तर काही प्रकरणांमध्ये स्टॉक ब्रोकरच्या जाळ्यात अडकून त्यांना तोटाही सहन करावा लागतो. अशा समस्यांवर तोडगा काढण्यासाठी सेबीने नवा आदेश जारी केला आहे. बाजार नियामक सेबीच्या बोर्डाची बुधवारी बैठक झाली, ज्यामध्ये बाजार व्यवस्था आणि कंपनीच्या कामकाजात आणखी सुधारणा करण्यासाठी अनेक प्रस्तावांना मंजुरी देण्यात आली.स्टॉक ब्रोकर्सकडून होणारी फसवणूक आणि बाजारातील गैरव्यवहाराला आळा घालण्यासाठी सेबी एक यंत्रणा तयार करेल. तसेच, म्युच्युअल फंड कंपन्यांना प्रायोजित करण्यासाठी खाजगी इक्विटी फंडांना परवानगी देण्याच्या नियामक फ्रेमवर्कला देखील मान्यता देण्यात आली असून कॉर्पोरेट गव्हर्नन्सचे नियम अधिक कडक केले जाणार तसेच लिस्टेड कंपन्यांमध्ये लोकांची कायम सभासद करण्याची पद्धत संपवण्याचा निर्णय घेण्यात आला आहे. स्टॉक ब्रोकर्सच्या फसवणुकीचा आळा बसणारसेबी आता स्टॉक मार्केटमध्ये आधीच उपलब्ध असलेल्या शेअर्सच्या खरेदी आणि विक्रीमध्ये IPO साठी बँक खात्यात निधी ब्लॉक करण्याची प्रणाली लागू करणार असून या उपक्रमाचा उद्देश गुंतवणूकदारांच्या पैशांचा स्टॉक ब्रोकर्सकडून होणाऱ्या गैरवापरापासून संरक्षण करण्याचा आहे. सेबीच्या संचालक मंडळाने बुधवारी झालेल्या बैठकीत, शेअर बाजारात उपलब्ध असलेल्या शेअर्सच्या खरेदी आणि विक्रीसाठी त्यांच्या खात्यात 'ब्लॉक' रक्कम असलेल्या गुंतवणूकदारांसाठी अर्जाची सुविधा (ॲप्लिकेशन सपोर्टेड बाय ब्लॉक्ड अमाउंट) सुरू करण्याचा निर्णय घेतला. यामध्ये, इश्यूसाठी अर्ज केलेल्या गुंतवणूकदारांचे पैसे इश्यूच्या वाटपाबाबतची परिस्थिती स्पष्ट होईपर्यंत त्यांच्या खात्यात राहते तर IPO मिळाल्यानंतरच खात्यातून रक्कम कापली जाते. अशा स्थितीत आता ही सुविधा गुंतवणूकदार तसेच स्टॉक ब्रोकर्ससाठी ऐच्छिक असेल. आणि मार्केटच्या वातावरणात कार्यक्षमता वाढवण्याचा त्यामागचा उद्देश आहे. हे मार्जिन आणि सेटलमेंट दायित्वांची पूर्तता करण्यास संधी देईल, ज्यामुळे सभासदांना कमी खेळत्या भांडवलाची गरज पडेल.आयपीओप्रमाणे फंड ब्लॉक होणारसेबीने आपल्या निवेदनात म्हटले की, प्रस्तावित फ्रेमवर्क अंतर्गत स्टॉक ब्रोकर्सना थेट UPI ग्राहकांसोबत ब्रोकरेज सेटल करण्याची किंवा ग्राहकांच्या UPI ब्लॉकमधून ब्रोकरेजचा मानक दर वजा करण्यासाठी क्लिअरिंग कॉर्पोरेशनच्या सुविधेची निवड करण्याची परवानगी दिली जाईल. बाजारात सुरळीत संक्रमण सुनिश्चित करण्यासाठी ही प्रणाली टप्प्याटप्प्याने कार्यान्वित केली जाईल. नवीन सुविधेमुळे ग्राहकांना त्यांच्या 'ब्लॉक' रकमेवर बचत खात्यातील रक्कम संपेपर्यंत व्याज मिळू शकेल.
