राजस्थानात भाजपसमोर अपक्षांचे कडवे आव्हान, ३० जागांवर कमळ अडचणीत, बंडखोराची नाराजी भोवणार? - Times of Maharashtra

ठळक बातम्या

Monday, November 13, 2023

राजस्थानात भाजपसमोर अपक्षांचे कडवे आव्हान, ३० जागांवर कमळ अडचणीत, बंडखोराची नाराजी भोवणार?

https://ift.tt/chkY0CB
जयपूर: राजस्थानात सत्ताबदल करण्याच्या इराद्याने निवडणुकीच्या मैदानात उतरलेल्या भाजपच्या अडचणी वाढल्या आहेत. भाजपने केंद्रीय पातळीवर उमेदवारांची निवड करून तिकीटांचे वाटप केले. यामध्ये अनेक विद्यमान आमदारांची तिकिटे कापली गेली त्यामुळे त्यांनी पक्षाच्या विरोधात भुमिका घेतली आहे. पक्षाच्या विरोधात भुमिका घेणाऱ्यांमध्ये अनेक मोठ्या नेत्यांचाही समावेश आहे. त्यामुळे आता या अपक्ष उमेदवारांनी भाजपच्या उमेदवारांसमोर मोठे आव्हान निर्माण केले आहे. अपक्ष उमेदवारांमुळे जवळपास ३० जागांवर भाजप उमेदवारांचे राजकीय गणित बिघडवले आहे. या जागांवर तिरंगी किंवा चौरंगी लढती होण्याची शक्यता आहे. चित्तौडगड: सलग दोन वेळा निवडणूक जिंकणारे भाजप आमदार चंद्रभान सिंग अक्या यांचे तिकीट यावेळी पक्षाने कापले. आक्या यांची उमेदवारी नाकारल्याचा प्रचंड विरोध झाला. पक्षाला पुनर्विचार करण्याचीही विनंती करण्यात आली परंतु पुनर्विचार करण्यास पक्षाने साफ नकार दिला. यानंत चंद्रभान सिंग यांनी पक्षाविरोधी भूमिका घेत निवडणुकीच्या मैदानात उडी घेतली. त्यामुळे चित्तौडगडमधील भाजप उमेदवार नरपत सिंह राजालत यांच्या विजयाचा मार्ग खडतर झाला आहे. शाहपुरा: विधानसभेचे माजी अध्यक्ष आणि भाजपचे ज्येष्ठ नेते कैलास मेघवाल हे शाहपुरा (भिलवाडा) या जागेवरुन निवडणूक जिंकत आले आहेत. यांचे समर्थक असलेले ८९ वर्षीय मेघवाल यांना केंद्रीय मंत्र्यावर भ्रष्टाचाराचे आरोप केल्यानंतर भाजपने शिस्तभंगाची नोटीस बजावली होती. या नोटीसनंतर कैलास मेघवाल यांनी भाजपला रामराम ठोकला होता. मेघवाल यांनी पक्ष सोडताच भाजपने लाला राम बैरवा यांना शाहपुरातून उमेदवारी दिली आहे. मात्र, कैलास मेघवाल यांनीही निवडणूकीच्या रिंगणात शड्डू ठोकल्याने बैरवा यांच्या समोरील अडचणी वाढल्या आहेत. लाडपुरा: कोटा जिल्ह्ययातील लाडपुरा या मतदारसंघातून माजी मुख्यमंत्री वसुंधरा राजे यांचे समर्थक असलेल्या भवानी सिंह राजावत यांना यावेळीही उमेदवारी नाकारण्यात आली. राजावत यांच्याऐवजी भाजपने विद्यमान आमदार कल्पना देवी यांना पुन्हा एकदा संधी दिली आहे. पक्षाने तिकीट नाही दिले तरी निवडणूक लढवण्याची घोषणा राजावत यांनी आधीच केली होती. उमेदवारीची घोषणा होण्याआधीच राजावत यांनी आपला निवडणूक फॉर्म भरला होता. मात्र, भाजपने तिकीट कापल्याने त्यांनी अपक्ष निवडणूक लढवण्याचा निर्णय घेतला. २०१८च्या निवडणुकीतही राजावत यांनी फॉर्म भरला होता मात्र, वसुंधरा राजे यांच्या सांगण्यावरुन त्यांनी माघार घेतली होती. मात्र, यावेळी त्यांनी भाजप उमेदवाराला पाडायचा चंग बांधला असून राजावत यांच्यामुळे भाजप उमेदवार कल्पना देवी यांचा विजय धोक्यात आला आहे. सांचोर: सांचोर विधानसभा मतदारसंघातून भाजपने लोकसभा खासदार देवजी पटेल यांना उमेदवारी दिली आहे. पटेल यांना उमेदवारी दिल्याने नाराज झालेले माजी आमदार जीवराम चौधरी आणि दानाराम चौधरी यांनी या निर्णयाला विरोध केला आहे. या जागेसाठी दोन्ही चौधरी आशावादी होते परंतु पटेल यांना भाजपने उमेदवारी देताच हे दोघेही एकत्र आले. यानंतर पक्षाने दोघांपैकी एकाला तिकीट द्यावे अन्यथा पक्षाच्या विरोधात भुमिका घेऊ अशी घोषणा केली. यानंतरही भाजपने उमेदवार न बदलल्याने माजी आमदार जीवराम चौधरी यांनी बंजखोरी करत फॉर्म भरला. भाजपमधील बंडखोरीमुळे देवजी पटेल यांच्या अडचणीत वाढ झाली आहेअपक्षांमुळे भाजपच्या या जागाही धोक्यातपक्षाकडून उमेदवारी मिळणार या अटीवरच भाजपचे सदस्यत्व स्वीकारणारे विद्यार्थी नेते रविंद्र सिंह भाटी यांना उमेदवारी नाकारण्यात आली आहे. भाटी यांनी निवडणुकीची तयारी करुनही पक्षाने स्वरूप सिंह खारा यांना निवडणुकीच्या रिंगणात उतरवले. त्यामुळे नाराज झालेल्या रविंद्र सिंह भाटी यांनी अपक्ष उमेदवार बनत निवडणुकीच्या रिंगणात उडी घेतली आहे. याच प्रकारे झुंझुनूमधून राजेंद्र भांबू, माजी मंत्री यूनूस खान डिडवाना, बारमेरमधून प्रियंका चौधरी, सुरतगडमधून राजेंद्र भादू, खंडेलाममधून बंशीधर बजिया, झोटवाडामधून अशुसिंग सुरपुरा, सुजानगडमधून रांजेद्र नायक, कोटपुतली येथून मुकेश गोयल, जालोरमधून पवन मेघवाल, बस्सी येथून जितेंद्र मीना, सीकरमधून ताराचंद्र धायल, सवाईमाधवपूरमधून आशा मीना, फतेहपुरमधून मधूसुहन भिंडा, पिलानी येथून कैलास मेघवाल, डगमधून रामचंद्र सुनेरीवाल, संगरिया येथून गुलाब सिंबर, मसूदा येथून जसवीर सिंह खरवा, ब्यावर येथून इंद्र सिंह, जैतारणमधून योगी लक्ष्मण नाथ. बुंदूमधून रुपेश शर्मा, अजमेर उत्तरमधून ज्ञामचंद सारस्वत, भीलवाडा येथून अशोक कोठारी, मरकाना येथून हिम्मत सिंह राजपुरोहित आणि बयाना मधून ऋतु बनावत यांनी भाजप उमेदवारांच्या आणि पर्यायाने भाजपच्या अडचणी वाढवल्या आहेत. रिपोर्ट- रामस्वरूप लामरोड