मुंबई: राष्ट्रवादी काँग्रेस पक्षात सध्या जे काही सुरू आहे, त्याचा यांनी आज कार्यकर्ता मेळाव्यात शेलक्या शब्दांत समाचार घेतला. 'मी राजकारण सोडणार नाही, मी शेती करणार नाही,' असा टोला उद्धव यांनी आमदारकीचा राजीनामा दिलेल्या अजित पवार यांना उद्देशून लगावला. 'कर्माने मरणार त्याला धर्माने मारू नका. जे जसे वागले त्यांच्यावर तशी स्थिती आली,' अशी टीका राष्ट्रवादीचे अध्यक्ष यांच्यावर केली. त्याचवेळी पवारांच्या कौटुंबिक कलहात मला रस नाही, असेही सांगितले. शिवसेना पक्षप्रमुख उद्धव ठाकरे रंगशारदा सभागृहात आयोजित करण्यात आलेल्या कार्यकर्ता मेळाव्यात बोलत होते. या मेळाव्यासाठी राज्यभरातून कार्यकर्त्यांनी उपस्थिती लावली होती. 'हा महाराष्ट्र आहे, सुडाचे राजकारण कधीच सहन करणार नाही. आम्ही कोणाशी सुडाने वागणार नाही,' असा टोला भाजपला लगावायलाही उद्धव विसरले नाहीत. शिवसेनेचा मुख्यमंत्री होणार मी स्वतः शिवसेनाप्रमुखांना हातात हात घेऊन वचन दिले आहे की एक न एक दिवस मी शिवसेनेचा मुख्यमंत्री बनवण्याचे स्वप्न पूर्ण करेन, असा विश्वास उद्धव ठाकरे यांनी व्यक्त केला. 'यावेळी मला सत्ता पाहिजेच, सगळ्या २८८ जागांवरच्या इच्छुकांना मी बोलावले आहे. गेल्या ५ वर्षांत आपण जे काही काम केलं आहे त्याबद्दल धन्यवाद द्यायला बोलावले आहे,' असंही ते म्हणाले.
