मुंबई: हा बॉलिवूडमधील एक अभिनेता आहे जो आपल्या विचित्र फॅशन सेन्ससाठी ओळखला जातो. पुरस्कार सोहळा असो किंवा चित्रपटाचे प्रमिअर रणवीरच्या कपड्यांची चर्चा प्रत्येक ठिकाणी असते. परंतु, असं एक ठिकाण आहे जिथे रणवीरच्या अशा विचित्र कपड्यांवर बंदी आहे आणि ते ठिकाण म्हणजे रणवीरचं सासर! रणवीर त्याच्या वॉर्डरोबसोबत सतत जे प्रयोग करत असतो त्याबद्दल अनेकदा दीपिकाला विचारले जाते. दीपिकाने एका मुलाखतीदरम्यान या गोष्टीचा खुलासा केला की रणबीरला तिच्या घरी किंवा पादुकोण कुटुंबाच्या कोणत्याही कार्यक्रमाला जायचे असेल तर त्याच्यासाठी ठरवून दिलेला ड्रेसकोड आहे आणि त्याला तेच कपडे परिधान करावे लागतात. दीपिकानं सांगितलं की, ज्यावेळी रणवीर तिच्या आई-वडिलांसोबत असतो त्यावेळी त्याला पांढरा शर्ट आणि नीळी जीन्स पँट असा ड्रेसकोड ठरवून दिलेला आहे. याशिवाय एखाद्या कौटुंबिक कार्यक्रमाला त्याला जायचं असल्यास काळ्या, निळ्या रंगाची पँट, पांढऱ्या रंगाचे शर्ट किंवा कोणत्याही रंगाचा गोल गळ्याचा टी शर्ट घालून तो येऊ शकतो. रणवीरदेखील आपल्या सासरी जाताना मग हा ड्रेसकोड पाळतो. दरम्यान, दीपिका आणि रणबीर नुकतेच त्यांच्या '83' चित्रपटाच्या चित्रीकरणातून मोकळे झाले आहेत. कपिल देव आणि १९८३च्या विजयावर आधारित '83' हा चित्रपट येऊ घातला आहे. या चित्रपटात बॉलिवूडचा 'गली बॉय' भारतीय क्रिकेट संघाचे माजी कर्णधार कपिल देव यांच्या भूमिकेत दिसणार आहे. भारतीय क्रिकेट संघानं १९८३ मध्ये विश्वचषक जिंकला होता. विश्वचषक विजयाचा तो थरार '83' या सिनेमात अनुभवता येणार आहे. कबीर खान या चित्रपटाचं दिग्दर्शन करणार आहे. सिनेमातील कलाकारांना भारताच्या तत्कालीन संघातील खेळाडू प्रशिक्षण देत आहेत. आर. बद्री, हार्डी संधू, चिराग पाटील, साकिब सलीम, पंकज त्रिपाठी, ताहिर भसीन, ऐमी विर्क, साहिल खट्टर यांच्या या चित्रपटात भूमिका आहेत. पुढील वर्षी एप्रिलमध्ये हा चित्रपट प्रदर्शित होणार आहे.
