नवी दिल्ली: भारताचे माजी राष्ट्रपती, माजी केंद्रीय मंत्री आणि काँग्रेसचे ज्येष्ठ नेते (Pranab Mukherjee) यांची प्रकृती स्थिर असून त्यांच्या तब्येती सुधारणा व्हावी यासाठी प्रार्थना करण्याचे आवाहन त्यांचे कुटुंबीय करत आहेत. दरम्यान प्रणव मुखर्जी यांची प्रकृती अजूनही नाजूक असून त्यांना व्हेंटिलेटरवर ठेवण्यात आले आहे. त्यांना १० ऑगस्ट या दिवशी लष्कराच्या रिसर्च अॅण्ड रेफरल रुग्णालयात दाखल करण्यात आले. दरम्यान, आपल्या वडिलांबाबत चुकीच्या बातम्या पसरवल्या जात असल्याचे म्हणत प्रणव मुखर्जी यांचे पुत्र यांनी नाराजी व्यक्त केली आहे. भारतीय प्रसारमाध्यमे आता फेक न्यूजचे कारखाने बनले असल्याची संतप्त प्रतिक्रियाही त्यांनी व्यक्त केली आहे. (former president of India in critical condition) अभिजीत मुखर्जी यानी ट्विट करत प्रणवदांच्या तब्येतीची माहिती दिली. माझ्या वडिलांची प्रकृती स्थिर आहे. माझ्या वडिलांबाबत आज सकाळी प्रतिष्ठीत पत्रकार आणि सोशल मीडियावर चुकीच्या बातम्या पसरवल्या जात आहेत. भारतीय प्रसारमाध्यमे आता फेक न्यूजचे कारखाने बनले आहेत हेच यावरून स्पष्ट होत असल्याचे अभिजीत यांनी म्हटले आहे. प्रणव मुखर्जी यांच्या मेंदूत रक्ताच्या गाठी झाल्यामुळे त्याच्या मेंदूवर शस्त्रक्रिया करण्यात आली. त्यानंतर त्यांना व्हेंटिलेटरवर ठेवण्यात आले आहे. मंगळवारी त्यांची प्रकृती ढासळली. त्यानंतर त्यांच्या तब्येतीत कोणतीही सुधारणा दिसली नाही. प्रणव मुखर्जी यांना करोनाची लागण झाल्याचेही स्पष्ट झाले आहे. माजी राष्ट्रपती प्रणवदांना १० ऑगस्ट या दिवशी रात्री १२ वाजून ७ मिनिटांनी दिल्लीतील लष्करी छावणीत असलेल्या लष्कराच्या रिसर्च अॅण्ड रेफरल रुग्णालयात दाखल करण्यात आले. तेथे तपासणी केल्यानंतर धक्कादायक बाब समोर आली. प्रणव मुखर्जी यांच्या मेंदूत रक्ताची गाठ असल्याचे डॉक्टरांना आढळले. त्यानंतर त्यांच्यावर तत्काळ शस्त्रक्रिया करण्यात आली. वाचा- त्यांचे पुत्र अभिजीत मुखर्जी यांनी बुधवारीही ट्विट करत त्याच्या प्रकृतीविषयी माहिती दिली. तुमच्या सर्वांच्या प्रार्थनांमुळे माझ्या वडिलांची प्रकृती स्थिर आहे. आपण सर्वांनी आपल्या प्रार्थना सुरूच ठेवा आणि त्यांना लवकरात लवकर बरे वाटावे अशी प्रार्थना करा, असे आवाहन अभिजीत मुखर्जी यांनी केली आहे. वाचा- वाचा ही देखील बातमी:
