भोपाळ : मध्य प्रदेशच्या () जिल्ह्यात ( District) एक धक्कादायक आणि तितकाच लाजिरवाणा प्रकार समोर आलाय. रस्त्याच्या दूरवस्थेमुळे आणि सरकारच्या फोलपणाचे पुरावेच इथं समोर आलेत ते एका संवेदनशील घटनेतून... एका वयस्कर आजारी महिलेला रुग्णालयात घेऊन जाण्यासाठी तिच्या कुटुंबीयांना मोठ्या दिव्यातून जावं लागलं. रस्ताच नसल्यानं या आजारी महिलेला रुग्णालयात कसं न्याव? हा यक्षप्रश्न या कुटुंबीयांसमोर उभा होता. वृत्तसंस्था एएनआयनं दिलेल्या माहितीनुसार, ही घटना सोमवारी घडलीय. रस्ताच नसल्यानं आजारी महिलेला तिच्या कुटुंबीयांनी बाजेवर ठेऊन ती बाज दोरीच्या साहाय्यानं एका मोठ्या ओंडक्याला बांधली... आणि या ओंडक्याची कावड करून आपल्या खांद्यावरून बाजेसहीत या महिलेला तिच्या कुटुंबीयांनी रुग्णालयात दाखल केलं. 'माझ्या आईला आहे. आम्ही डोंगरा पंचायतीत राहतो. इथं कोणताही रस्ता नाही. पावसाच्या दिवसांत तर इथून येणं-जाणंही कठिण होऊन जातं. अधिकारी फक्त इथं येतात आणि रस्ता बनवण्याचं आश्वासन देऊन निघून जातात. परंतु, आजपर्यंत या समस्येवर तोडगा काढण्यात आलेला नाही' असं संबंधित महिलेचा मुलगा सोमलाल यादव यानं म्हटलंय. गावात आजतागायत वीज नसल्याचंही त्यांनी बोलून दाखवलं. वाचा : वाचा : 'मुख्य रस्त्यापासून आमचं घर दोन किलोमीटर अंतरावर आहे. आजारी आईला घेऊन जाण्यासाठी आम्ही अॅम्ब्युलन्स बोलावण्याचा विचार केला परंतु, अॅम्ब्युलन्सलाही इथं यायला दोन तास लागले असते. त्यामुळे मग आम्ही स्वत:च आईला रुग्णालयात हलवण्याचे प्रयत्न सुरू केले. आमची बाईकदेखील मुख्य रस्त्यावरच होती' असं त्यांनी आपली करूण कहाणी कथन करताना म्हटलंय. याबद्दल अधिकाऱ्यांशी संपर्क साधला असता 'मला आज सकाळीच या घटनेबद्दल माहिती मिळाली. जिल्हाधिकाऱ्यांनी मला तिथं जाऊन गावातल्या लोकांसाठी जे करता येऊ शकेल ते करण्यास सांगितलंय. आमचे तांत्रिक अधिकारी आणि इंजिनिअर्स यावर काम करत आहेत' अशी सारवासारव पंचायत अधिकारी इमरान सिद्दीकी यांनी केली वाचा :
