मुंबई: करोना प्रतिबंधक लस आता सर्वसामान्यांसाठी उपलब्ध झाली आहे. मागच्या काही दिवसांपासून लसीकरणाला सुरुवातही झाली आहे. पण या व्हायरसचा धोका अद्याप कमी झालेला किंवा टळलेला नाही. आतापर्यंत अनेक बॉलिवूड सेलिब्रेटी या व्हायरसचे शिकार झाले आहेत. यात अमिताभ बच्चन, अभिषेक बच्चन, नीतू कपूर, अर्जुन कपूर, वरुण धवन, मलायका अरोरा यांचा समावेश आहे. अशात आता अभिनेता रणबीर कपूरलाही करोना व्हायरसची लागण झाल्याचं बोललं जात आहे. एका इंग्रजी वेबसाइटने दिलेल्या वृत्तानुसार सध्या रणबीरला क्वारंटाइन करण्यात आलं असून त्याच्यावर उपचार सुरू आहेत. रणबीरचे काका रणधीर कपूर यांच्याशी संपर्क साधला असता ते म्हणाले, 'हो, रणबीरची तब्येत ठीक नाही. पण तो करोना पॉझिटिव्ह आहे की नाही याचं निदान झालेलं नाही. मी सध्या शहराबाहेर आहे. त्यामुळे यावर मला जास्त काही बोलता येणार नाही. दरम्यान रणबीर किंवा त्याच्या कुटुंबीयांकडून यावर कोणतीही प्रतिक्रिया किंवा माहिती देण्यात आलेली नाही.' काही दिवसांपासून आणि लवकरच लग्न करणार अशा चर्चा आहेत. तसेच लग्नानंतर नव्या घरात शिफ्ट होण्याचा त्यांचा प्लान आहे असं बोललं जात आहे. दरम्यान आलियासोबतच्या लग्नाच्या प्लानविषयी बोलताना रणबीरनं नुकत्याच दिलेल्या एका मुलाखतीत महत्त्वाचा खुलासा केला होता. जर करोना व्हायरस नसता तर कदाचित आतापर्यंत माझं आणि आलियाचं लग्न झालेलं असतं असं तो म्हणाला होता. त्यामुळे जर रणबीर करोना पॉझिटिव्ह असेल तर आलिया भट्टच्या अडचणीत वाढ होणार आहे. रणबीर कपूरच्या वर्कफ्रंटबद्दल बोलायचं तर तो लवकरच आलिया भट्टसोबत अयान मुखर्जीच्या '' चित्रपटातून प्रेक्षकांच्या भेटीला येणार आहे. या चित्रपटाची चर्चा मागच्या वर्षभरापासून सुरू आहे. अशात रणबीरची करोना चाचणी पॉझिटीव्ह येणं फक्त आलियासाठीच नाही तर संपूर्ण चित्रपटाच्या टीमसाठी डोकेदुखी ठरू शकते. 'ब्रह्मास्त्र'मध्ये रणबीर कपूर आणि आलिया भट्ट यांच्या व्यतिरिक्त अभितात्र बच्चन, मौनी रॉय यांच्याही महत्त्वपूर्ण भूमिका आहेत. याशिवाय रणबीर 'अॅनिमल'मध्ये परिणिती चोप्रा आणि अनिल कपूर यांच्यासोबत दिसणार आहे.
