टोकियो: भारताची बॅडमिंटन स्टार हिने टोकियो ऑलिम्पिकमधील बॅडमिंटन स्पर्धेच्या महिला एकेरीतून उपांत्य फेरी गाठली आहे. आज (३१ जुलै) सिंधूची उपांत्य फेरीतील लढत होणार आहे. ऑलिम्पिकमधील दुसरे पदक जिंकण्यासाठी तिला फक्त एका विजयाची गरज आहे. सिंधूने २०१६च्या रिओ ऑलिम्पिकमध्ये रौप्यपदक जिंकले होते. आता टोकियोमध्ये सुवर्णपदक जिंकण्याचा तिचा प्रयत्न असेल. वाचा- शनिवारी झालेल्या महिला एकेरीच्या उपांत्यपूर्व फेरीत जगज्जेत्या सिंधूने जपानच्या अकेन यामागुचीवर २१-१३, २२-२० अशी मात केली. या सामन्यात सिंधूने सुरेख बचाव आणि आक्रमक खेळ केला. चौफेर खेळ करून तिने ५६ मिनिटांत विजयावर शिक्कामोर्तब केले. जागतिक क्रमवारीत २६ वर्षीय सिंधू सातव्या, तर २४ वर्षीय यामागुची पाचव्या क्रमांकावर आहे. सिंधू-यामागुची या आतापर्यंत अठरा वेळा आमनेसामने आल्या होत्या. त्यात सिंधूने अकरा वेळा, तर यामागुचीने सात वेळा बाजी मारली होती. यावर्षी, ऑल इंग्लंड स्पर्धेत सिंधूने यामागुचीला हरविले होते. यामागुचीने आक्रमक खेळ करण्याचा प्रयत्न केला. मात्र, सिंधूने संयमी आणि वेळेप्रसंगी आक्रमक खेळ करून यामागुचीवर दडपण ठेवले. वाचा- वाचा- उपांत्य फेरीत सिंधूची लढत चायनीज तैपईच्या ताइ त्झू यिंगशी होणार आहे. ताइ जागतिक क्रमवारीत अव्वल स्थानी आहे. सिंधू-ताइ आतापर्यंत अठरा वेळा आमनेसामने आहेत. त्यात सिंधूने पाच वेळा तर ताइने तेरा वेळा बाजी मारली आहे. विशेष म्हणजे २०१६च्या रिओ ऑलिम्पिकमध्ये सिंधूने उप-उपांत्यपूर्व फेरीत ताइला पराभव केला होता. तेव्हा सिंधूने २१-१३, २१-१५ असा विजय मिळवला होता. आज सिंधू पुन्हा अशी कामगिरी करण्याचा प्रयत्न करेल. या लढतीकडे संपूर्ण देशाचे लक्ष आहे. पी. व्ही. सिंधू-ताइ त्झू यिंग यांच्यातील उपांत्य फेरीतील लढत कधी होणार आहे? >> पी. व्ही. सिंधू-ताइ त्झू यिंग यांच्यातील लढत शनिवारी ३१ जुलै होणार आहे पी. व्ही. सिंधू-ताइ त्झू यिंग यांच्यातील उपांत्य फेरीतील लढत कुठे होणार आहे? >> पी. व्ही. सिंधू-ताइ त्झू यिंग यांच्यातील उपांत्य फेरीतील लढत टोकियोच्या मुसानिनो फोरेस्ट प्लाझा कोर्ट १ वर होणार आहे. पी. व्ही. सिंधू-ताइ त्झू यिंग यांच्यातील उपांत्य फेरीतील लढत किती वाजता सुरू होणार आहे? >>पी. व्ही. सिंधू-ताइ त्झू यिंग यांच्यातील उपांत्य फेरीतील लढत भारतीय वेळानुसार दुपारी ३.२० ला सुरू होईल. पी. व्ही. सिंधू-ताइ त्झू यिंग यांच्यातील उपांत्य फेरीतील लढतीचे लाइव्ह टेलिकास्ट भारतात कुठे पाहता येईल? >>पी. व्ही. सिंधू-ताइ त्झू यिंग यांच्यातील उपांत्य फेरीतील लढतीचे लाईव्ह टेलीकास्ट सोनी टेन २, सोनी सिक्सवर पाहू शकता. पी. व्ही. सिंधू-ताइ त्झू यिंग यांच्यातील उपांत्य फेरीतील लढतीचे लाइव्ह स्ट्रीमिंग (Live Streaming PV Sindhu vs Tai Tzu-Ying) कुठे पाहाल? >>पी. व्ही. सिंधू-ताइ त्झू यिंग यांच्यातील उपांत्य फेरीतील लढतीचे लाइव्ह स्ट्रीमिंग सोनी लिव्ह या अॅपवर पाहू शकता.
