काबूल: अफगाणिस्तानमधील संयुक्त राष्ट्र संघाच्या मुख्यालयावर दहशतवादी हल्ला झाला. या हल्ल्यात एका सुरक्षा रक्षकाचा मृत्यू झाला आहे. सरकारविरोधात असणाऱ्या गटांकडून शुक्रवारी हेरात प्रांतात असणाऱ्या संयुक्त राष्ट्र मुख्यालयाच्या परिसरावर हल्ला झाला असल्याची माहिती संयुक्त राष्ट्र सहाय्यता मिशनने दिली. या हल्ल्यात ींच्या समावेशाबाबत दुजोरा देण्यात आला नाही. संयुक्त राष्ट्राच्या मुख्यालयावर ग्रेनेडने हल्ले करत गोळीबार केला. हेरात प्रातांत भारताचेही वाणिज्य दूतावास आहे. हा हल्ला हेरात प्रांतातील तालिबानींनी शिरकाव केल्याच्या काही तासानंतर झाला आहे. संयुक्त राष्ट्र संघाच्या मुख्यालयाजवळ दहशतवादी आणि अफगाण सैन्यामध्ये चकमक झाल्याचे वृत्त आहे. या हल्ल्याची जबाबदारी तालिबानने स्वीकारली नाही. वाचा: या हल्ल्यानंतर शहरातील राजनयिक परिसराला हाय अलर्टवर ठेवण्यात आले आहे. अफगाणिस्तानसाठी असलेले संयुक्त राष्ट्र संघाचे महासचिवांचे विशेष प्रतिनिधी डेबोरा लियोन यांनी हल्ल्याच्या निषेध केला आहे. हल्ला केला नाही: तालिबान तालिबानचे प्रवक्ते जबीहुल्ला मुजाहिद यांनी ट्विटरवर म्हटले की, युएन मु्ख्यालयाजवळ झालेला हल्ला हा क्रॉस फायरिंगमुळे झाला असावा. चकमक सुरू असलेले ठिकाण जवळ असल्याने सुरक्षा रक्षकाला गोळी लागली असू शकते.
