दिल्लीतील भाजप खासदार गौतम गंभीरचा एक व्हिडिओ सध्या सोशल मीडियावर जबरदस्त व्हायरल होत आहे. या व्हिडिओत गौतम गंभीर माइकवर बोलताना दिसत असून महत्त्वाचे काम करीत असल्याचे दिसत आहे. सोशल मीडियावर शेअर करण्यात येत असलेल्या या व्हिडिओत पत्रकार गौतम गंभीरला विचारत आहे. तुम्हाला ज्या बैठकीसाठी बोलावले आहे. त्यात तुम्ही सहभागी झाला नाहीत. यावर गौतम गंभीर म्हणतात, बैठक गरजेची आहे की माझे काम महत्त्वाचे आहे. आम आदमी पार्टी राष्ट्रीय सोशल मीडिया टीमची सदस्य असलेल्या Aarti ने आपल्या अधिकृत ट्विटर हँडलवरून हा व्हिडिओ शेअर केला आहे. हा व्हिडिओ शेअर करताना कॅप्शन लिहिलेय, दिल्लीकर, ऐकलेय का?, तुमचा खासदार काय विचारत आहे?, प्रदुषणाची बैठक महत्त्वाची की क्रिकेट कॉमेंट्री?, पुढच्यावेळी सेलिब्रिटींना मतदान करताना दोनदा विचार करा. ट्विटचे या व्हिडिओला फेसबुकवरही काही युजर्संनी शेअर केले आहेत. खरं म्हणजे, दिल्लीतील वाढत्या वायू प्रदुषणासाठी होणारी संसदीय समितीची बैठक स्थगीत करण्यात आली होती. कारण, काही नेते आणि अधिकारी यात सहभागी होणार नव्हते. यातील एक म्हणजे गौतम गंभीर होते. यावेळी इंदूर मध्ये गौतम गंभीरचा जिलेबी खातानाचा एक फोटो व्हायरल झाली होती. यावरून सोशल मीडियावर लोकांनी गंभीरला खूप ट्रोल केले होते. खरं काय आहे? गौतम गंभीरचे वक्तव्य अर्धवट आहे. संपूर्ण व्हिडिओ ऐकल्यानंतर स्पष्ट होतेय की, गौतम गंभीर खासगी काम नव्हे तर मैदानावरच्या कामासंबंधी बोलत आहे. कशी केली पडताळणी? गुगलवर सहज कीवर्ड सर्च करून आम्ही ANI च्या त्या ट्विटची लिंक मिळाली. ज्यामध्ये गौतम गंभीरचे संपूर्ण वक्तव्य होते. संपूर्ण व्हिडिओ हा १ मिनिट ३१ सेकंदाचा आहे. व्हिडिओच्या १९ व्या सेकंदाला गौतम गंभीर म्हणत आहे की, जितके काम मी ५ महिन्यात केले आहे. प्रदुषणासाठी...तर ईडीएमसीने ९० कोटींच्या गाड्या खरेदी केल्या, स्प्रिंकलिंग मशीन खरेदी केल्या, व्हॅक्यूम क्लिनर खरेदी केल्या...तसेच गाझीपूर लँडफिलचे काम जे सुरू झाले आहे...ते ५ महिन्यात सुरू झाले आहे. जर मी प्रदूषणांसाठी सीरियस राहिलो नाही तर...माझी पाच वर्षाची मुलगी या ठिकाणी राहते. अडीच वर्षाची मुलगी या ठिकाणी राहते...मीच नाही तर ज्या - ज्या लोकांचे कुटुंब या ठिकाणी राहतेय ते सर्व सीरियस आहे. फक्त आम आदमी पार्टी सोडून. त्यानंतर गंभीर दिल्लीचे मुख्यमंत्री अरविंद केजरीवाल यांना प्रदुषणासाठी जबाबदार धरत आहे. त्यानंतर पत्रकाराने प्रश्न विचारला, तुम्ही बैठकीत सहभागी झाला नाहीत. तुम्हाला बोलावले होते का?, यावर गौतम गंभीर म्हणतात, बैठक महत्त्वाची आहे की, माझे काम....५ महिने मी आपले काम करीत आहे. बैठकीत सहभागी झालो नाही कारण, ११ तारीखला मला मेल आला. त्याच दिवशी मी त्याला उत्तर दिले आहे. माझा करार आहे. जे मला पूर्ण करावे लागणार आहे. असे नाही की, मी ११ ऐवजी १३ ला उत्तर दिले आहे. हा संपूर्ण व्हिडिओ ऐकल्यानंतर हे स्पष्ट होते की, गौतम गंभीर आपल्या खासगी कामांविषयी नव्हे तर केलेल्या कामांसंबंधी बोलत आहे. निष्कर्ष दिल्लीचे भाजप खासदार गौतम गंभीरचा अर्धवट व्हिडिओ चुकीच्या पद्धतीने शेअर केला जात आहे. खऱ्या व्हिडिओत ते खासगी कामांविषयी नव्हे तर केलेल्या कामांसंबंधी बोलत आहे, असे मटा फॅक्ट चेकच्या पडताळणीत स्पष्ट झाले आहे.
