हैदराबाद- स्टार टेनिसपटू सानिया मिर्झाच्या घरी सध्या लगीनघाई सुरू आहे. सानियाची बहीण अनम मिर्झा लग्नबंधनात अडकणार आहे. सध्या अनमच्या मेहंदीचे फोटो सोशल मीडियावर व्हायरल झाले आहेत. अनमसोबत सानिया आणि तिचं संपूर्ण कुटुंब दिसत आहे. अनमने तिच्या इन्स्टाग्राम अकाउंटवर मेहंदी सेरेमनीचे काही फोटो शेअर केले. यात तिने हिरव्या आणि निळ्या रंगाच्या फ्लॉरल डिझाइन लेहंग्यात दिसत आहे. एकंदरीत तिच्या चेहऱ्यावरील आनंद स्पष्ट दिसत आहे. तर सानियाही काळ्या आणि नारंगी रंगाच्या अॅब्रोयडरी स्कर्टमध्ये मादक दिसत होती. या स्कर्टवर तिने हेवी नेकपीस आणि कानातले घातले होते. अनमने गोल्ड अँड पोल्की चोकर घातला होता. यावर तिने कमीत कमी मेकअप करण्याला प्राधान्य दिलं होतं. अनमने याआधी प्री- वेडिंग सेलिब्रेशनचे फोटो सोशल मीडियावर शेअर केले होते. यावेळी तिने पांढरा टॉप आणि फिकट गुलाबी रंगाचा स्कर्ट घातला होता. माजी क्रिकेटपटू मोहम्मद अझरुद्दीनचा मुलगा असद्दूदीनशी अनम लग्न करत आहेत. अनमचं हे दुसरं लग्न आहे. याआधी अनमचं लग्न व्यावसायिक अकबर रशीदशी झालं होतं.
