मुंबई- प्रसिद्ध बंगाली अभिनेत्री आणि खासदार नुसरत जहां अनेक तिच्या सोशल मीडिया पोस्टमुळे चर्चेत येते. ती अनेकता पती निखिल जैनसोबतचे फोटो शेअर करत असते. पण नुकताच नुसरतने फुगे विकणाऱ्या दीड वर्षाच्या मुलासोबत एक फोटो काढला आणि तो सोशल मीडिया साइटवर शेअर केला. व्हायरल होत असलेल्या या फोटोवर तिने भावुक करणारा मेसेजही लिहिला आहे. फोटो शेअर करताना नुसरत म्हणाला की, 'या खास व्यक्तिमुळे माझा विकेण्ड फार खास झाला. दीड वर्षांचा मुलगा फुलं विकत होता... रंगीबेरंगी फुलांपेक्षा तो जास्त क्यूट आहे.' नुसरतच्या या फोटोला हजारो लाइक्स तर मिळालेच पण अनेकांनी हा फोटो शेअर करत देव तुझं आणि तुझ्या या सुंदर हृदयाचं नेहमी रक्षण करो अशा प्रतिक्रियाही दिल्या. कोण आहे नुसरत जहांचा नवरा- याचवर्षी अर्थात २०१९ मध्ये नुसरत जहांने लग्न करून अनेकांना आश्चर्याचा धक्का दिला होता. तिने १९ जूनला टर्की येथील बोडरम सिटीमध्ये व्यावसायिक निखिल जैनशी लग्न केलं होतं. जवळच्या नातलगांच्या उपस्थित नुसरत- निखिलने लग्न केलं. यानंतर दोघांनी भारतात ग्रँड रिसेप्शन ठेवलं होतं. सध्या नुसरत राजकारणातही कार्यरत असून लोकसभा सदस्य आहे.
