लखनऊः पीडितेचे दिल्लीहून गावात पोहोचले आहे. आज सकाळी १० वाजता पीडितेवर अंत्यसंस्कार करण्यात येणार आहेत. जोपर्यंत उत्तर प्रदेशचे मुख्यमंत्री येत नाहीत तोपर्यंत पीडितेवर अंत्यसंस्कार करण्यात येणार नाही, अशी भूमिका पीडितेच्या कुटुंबीयांनी घेतली आहे. उन्नाव बलात्कार पीडितेच्या निधनानंतर योगी सरकारने पीडितेच्या कुटुंबीयांना २५ लाख रुपयांची आर्थिक मदत जाहीर केली आहे. परंतु, तरीही पीडितेचे कुटुंब त्यांच्या भेटीसाठी अडून बसले आहेत. जोपर्यंत मुख्यमंत्री योगी आदित्यनाथ येणार नाहीत तोपर्यंत पीडितेवर अंत्यसंस्कार करण्यात येणार नाहीत, अशी ठाम भूमिका पीडितेच्या कुटुंबीयांनी घेतली आहे. बलात्कार पीडितेचे पार्थिव शनिवारी रात्री उन्नाव येथे पोहोचले. पीडितेचे पार्थिव जाळण्यात येणार नाही तर त्याचे दफनविधी केला जाईल, असे कुटुंबीयांनी सांगितले. आज सकाळी १० वाजता अंत्यसंस्कार करण्यात येणार असल्याची माहिती होती. परंतु, मुख्यमंत्र्यांच्या भेटीसाठी अडून बसलेल्या कुटुंबीयाच्य भूमिकेमुळे अंत्यसंस्काराला उशीर होण्याची शक्यता आहे. उन्नाव बलात्कार प्रकरणावर देशभरात संताप असून आंदोलन सुरू करण्यात आले आहे. उत्तर प्रदेशात विरोधी पक्षांनी योगी सरकारची कोंडी केली आहे. पीडितेला न्याय देण्याची मागणी विरोधकांनी केली आहे. शनिवारी रात्री आंदोलन करणाऱ्या काँग्रेस कार्यकर्त्यांवर पोलिसांनी लाठीमार केला आहे. दरम्यान, उन्नाव सामूहिक बलात्कार प्रकरणातील पीडित तरुणीचा मृत्यू झाल्याने देशभरात संताप आणि हळहळ व्यक्त होत असताना उत्तर प्रदेश सरकराने पीडितेच्या कुटुंबीयांना घर आणि २५ लाखांची आर्थिक मदत देण्याची घोषणा केली आहे. पंतप्रधान आवास योजनेतून सदर तरुणीच्या कुटुंबीयांना घर देण्यात येणार असल्याचे उत्तर प्रदेशचे मुख्यमंत्री योगी आदित्यनाथ यांनी सांगितले होते.
