वॉशिंग्टन: करोना विषाणूचा संसर्ग जगभरात थैमान घालत आहे. मागील नऊ महिन्यांपासून करोनाच्या थैमानासमोर संपूर्ण जग हतबल झाले आहे. नऊ महिन्यानंतरही करोनाबाधितांची संख्या सातत्याने वाढत आहे. आतापर्यंत जगभरात करोनाच्या संसर्गामुळे १० लाखजणांचे प्राण गेले आहेत. करोनाच्या संसर्गामुळे मृत्यू झालेल्या बाधितांचा आकडा हा जेरुसलम, ऑस्टिन किंवा टेक्सास शहराच्या लोकसंख्येपेक्षाही अधिक आहे. हा आकडा २००४ मध्ये आलेल्या भूकंप, हिंदी महासागरात आलेल्या त्सुनामीत ठार झालेल्या नागरिकांच्या चारपटीने अधिक आहे. करोना महासाथीच्या आजारात दर दिवशी सरासरी पाच हजार नागरिकांचा मृत्यू होत आहे. आतापर्यंत करोनाच्या संसर्गाला पूर्णपणे मात देईल अशी लस, औषध विकसित न झाल्यामुळे मृतांची संख्या आणखी वाढण्याची भीती व्यक्त केली जात आहे. वाचा: युरोपमध्ये करोनाच्या संसर्गाची दुसरी लाट आली असल्याची परिस्थिती आहे. ब्रिटनने सरकारने दुसरी लाट आल्याचे म्हटले आहे. तर, करोना संसर्गाचे केंद्र झालेल्या अमेरिकेतही दुसरी लाट येण्याचा इशारा देण्यात आला आहे. अमेरिकेत करोनाच्या संसर्गामुळे दोन लाखांहून अधिकजणांना प्राण गमवावे लागले आहे. जगभरात तीन कोटी ३५ लाखांहून अधिकजणांना करोनाची बाधा झाली आहे. तर, दोन कोटी ४८ लाख जणांनी आजारावर मात केली आहे. वाचा: वाचा: भारतात करोनाबाधितांची संख्या वाढत आहे. भारतात करोनाच्या संसर्गामुळे ९५ हजारजणांना प्राण गमवावे लागले आहे. ब्राझीलमध्येही करोनाचा कहर सुरू आहे. अमेरिकेनंतर ब्राझीलमध्ये सर्वाधिक मृत्यूंची नोंद करण्यात आली आहे. ब्राझीलमध्ये एक लाख ४२ हजारजणांचा मृत्यू झाला आहे. तर, मेक्सिकोमध्ये ७६ हजारजणांच्या मृत्यूची नोंद करण्यात आली आहे. वाचा: मागील वर्षी डिसेंबर महिन्याच्या अखेरीस चीनमधील वुहान शहरात करोना विषाणूबाधित आढळले होते. त्यानंतर ११ जानेवारी २०२० रोजी पहिल्या करोनाबाधिताच्या मृत्यूची नोंद करण्यात आली. दोन आठवड्यानंतर वुहानमध्ये लॉकडाउन जाहीर करण्यात आले. करोनाची तीव्रता लक्षात येईपर्यंत जगभरात करोनाच्या विषाणूने हातपाय पसरण्यास सुरुवात केली. चीननंतर युरोप व अमेरिकेत वेगाने करोनाचा संसर्ग फैलावला.
