औरंगाबादः म्हणतात प्रेम हे आंधळं असत प्रेमात माणसाला काहीच दिसत नाही. त्यामुळे प्रेमात कधीकधी असा दगाफटका बसतो की माणूस आयुष्यभर विसरू शकत नाही. औरंगाबादच्या एका फायनान्स मॅनेजरला असाच एक अनुभव आला असून अमिरेकन महिलेच्या प्रेमात पडलेल्या या मॅनेजरला तब्बल तीन लाखांना चुना लागला आहे. तर आता प्रकरण पोलिसात गेले असून गुन्हा दाखल करण्यात आला आहे. () औरंगाबादच्या वीटखेडा येथे राहणारे आणि एका खाजगी कंपनीत फायनान्स मॅनेजर म्हणून काम करणाऱ्या तिवारी यांना लिझी मॉर्गन नावाचा महिलेची फेसबुकवर फ्रेंड रिक्वेस्ट आल्याने त्यांनी ती स्वीकारली. पुढे फेसबुक चॅटींग आणि नंतर व्हॉट्सअॅप चॅटींग सुरू झाली. हाय-बाय सुरळीत सुरू असताना समोरील महिलेने एक महागडं गिफ्ट पाठवत असल्याचं सांगितले. तिवारी यांनी सुद्धा लगेच विश्वास ठेवला आणि त्यांना एक पावती सुद्धा त्या काळात प्राप्त झाली. पावती मिळाल्याने तिवारी यांचा विश्वास आणखीनच वाढला. वाचाः दरम्यान एका भारतीय नंबरवरून तिवारी यांना निशा कुमारी बोलत असल्याचा फोन आला ज्यात लिझी मॉर्गन यांनी पाठवलेलं पार्सल आल्याचा सांगण्यात आले. पण पार्सल सोडवण्यासाठी १८ हजार ७०० रुपये लागतील असेही सांगण्यात आल्याने तिवारी यांनी पैसे भरले. मात्र त्यानंतर पुन्हा एकदा फोन आला आणि पार्सलमध्ये ३० हजार पौंड असून ते बेकायदेशीर आहेत. त्यामुळे त्यासाठी दंड भरावे लागेल असं म्हणत तिवारी यांच्याकडून टप्प्याटप्प्याने तीन लाख रुपये उकळण्यात आले. पण एवढे पैसे भरूनही पार्सल येत नसल्याने त्यांनी फेसबुकवर मैत्रीणाला फोन लावला मात्र तो बंद येत असल्याने आपली फसवणूक झाल्याचं तिवारी यांच्या लक्षात आले. त्यामुळे तात्काळ पोलीस ठाणे गाठत त्यांनी गुन्हा दाखल केला. वाचाः वाचाः
