मुंबई : मुंबई इंडियन्स आणि चेन्नई सुपर किंग्स सामन्याच्या पूर्वसंध्येला कायरन पोलार्डने अचानकपणे निवृत्ती जाहीर केली. या निवृत्तीमुळे सर्वांनाच मोठा धक्का बसला आहे. पोलार्डने बुधवारी रात्री निवृत्ती जाहीर केली, पण तो गुरुवारी होणाऱ्या चेन्नई सुपर किंग्सविरुद्धच्या सामन्यात खेळणार की नाही, याबाबत चाहत्यांमध्ये संभ्रमाचे वातावरण आहे. पोलार्डने बुधवारी रात्री आपल्या इंस्टाग्रामवर एक व्हिडीओ पोस्ट केला आणि आपण निवृत्ती घेत असल्याचे त्याने जाहीर केले. या निर्णयाने सर्वांनाच धक्का बसला. त्यामुळे आता पोलार्ड आपल्याला पुन्हा मैदानात दिसणार नाही, या विचाराने चाहते निराश झाले. पण पोलार्ड चेन्नई सुपर किंग्सबरोबरचा गुरुवारचा सामना खेळणार की नाही, याबाबत चाहत्यांच्या मनात संभ्रमाचे वातावरण आहे. पोलार्डने निवृत्ती घेताना नेमकं काय सांगितलं आहे, जाणून घ्या...पोलार्डने एक व्हिडीओ पोस्ट करत आपली निवृत्ती जाहीर केली. या व्हिडीओमध्ये पोलार्डने म्हटले आहे की, " मी आंतरराष्ट्रीय क्रिकेटला अलविदा करत आहे." या गोष्टीचा अर्थ असा होतो की, पोलार्ड आता वेस्ट इंडिजकडून खेळताना दिसणार नाही. त्यामुळे पोलार्ड आता आगामी ट्वेन्टी-२० विश्वचषक खेळू शकणार नाही. त्यामुळे आता पोलार्ड हा वेस्ट इंडिजकडून एकही सामना खेळू शकत नाही. पण याचा अर्थ असा होत नाही की, तो आयपीएल किंवा जगभरातील कोणत्याही लीगमध्ये खेळू शकत नाही. आयपीएलमध्ये आंतरराष्ट्रीय खेळाडूंचा सहभाग असतो, पण आयपीएल ही आंतरराष्ट्रीय स्पर्धा नाही आणि ती आंतरराष्ट्रीय क्रिकेट परिषदेचीही स्पर्धा नाही. आयपीएल ही बीसीसीआयची स्थानिक स्पर्धा आहे, जी आंतरराष्ट्रीय क्रिकेटमध्ये मोडत नाही. त्यामुळे आता पोलार्ड आंतरराष्ट्रीय क्रिकेटमध्ये खेळणार नसला तरी तो आयपीएलमध्ये नक्कीच खेळू शकतो. त्यामुळे गुरुवारी होणाऱ्या चेन्नई सुपर किंग्सविरुद्धच्या सामन्यात तो नक्कीच खेळताना दिसू शकतो. त्यामुळे चाहत्यांना पोलार्ड आता मैदानात दिसणार नाही, ही गोष्ट चुकीची आहे. पोलार्ड मैदानात खेळताना दिसेल पण तो वेस्ट इंडिजकडून कोणतीही आंतरराष्ट्रीय स्पर्धा खेळणार नाही.
