बाली: फुटबॉल हा केवळ खेळ नाही, त्यापेक्षाही त्याचे महत्त्व आहे. त्यामुळे जग जास्त जवळ येत आहे, याकडे ‘फिफा’चे अध्यक्ष जिआनी इनफँटिनो यांनी लक्ष वेधले. त्याच वेळी त्यांनी आगामी वर्ल्ड कप फुटबॉलचा आनंद ५ अब्ज दर्शक घेतील, अशी अपेक्षा व्यक्त केली. बाली येथील जी-२० परिषदेस इनफँटिनो उपस्थित आहेत. ‘वर्ल्ड कप फुटबॉल स्पर्धेच्या वेळी सर्वत्र आनंद, जल्लोष असतो. या स्पर्धेतून आशेचा संदेश जातो. वर्ल्ड कप फुटबॉलमुळे जगभरात अब्जावधी डॉलरची उलाढाल होते. त्यामुळे लक्षावधी लोकांना नोकऱ्या उपलब्ध होतात. अनेकांची आर्थिक प्रगती होते,’ याकडे फिफा अध्यक्षांनी लक्ष वेधले. फिफाचे मुख्य काम फुटबॉलची प्रगती आहे. मात्र, फुटबॉलमुळे जग एकत्र येते. या स्पर्धेचा आनंद पाच अब्ज चाहते घेणार, ही नक्कीच सुखावणारी बाब आहे, असेही ते म्हणाले. वाचा- ... गतस्पर्धा रशियात झाली, तर युक्रेन २०३० च्या स्पर्धेसाठी प्रयत्नशील आहेत. आपण या वर्ल्ड कपची उंची जास्त उंचावू शकतो. स्पर्धेच्या कालावधीत एक महिना युद्धबंदी केली. स्पर्धा कालावधीत एकमेकांसह चर्चेचे दरवाजे खुले होण्यासाठी प्रयत्न करता येतील. जी-२० देशांचे नेते हे नक्कीच करू शकतात, असेही फिफाचे प्रमुख इनफँटिनो म्हणाले. चीन २०३१ च्या महिला वर्ल्ड कप संयोजनासाठी उत्सुक आहेत. क्लब फुटबॉलमधील चीनच्या सहभागामुळे खेळातील जागतिक असमतोल दूर होण्यास मदत होत आहे. चीनमध्ये फुटबॉल संस्कृती रुजवण्यासाठी प्रयत्न होत आहे. त्यातून सांघिक भावना वाढीस लागेल, असे इनफँटिनो म्हणाले. वाचा- क्लिकवर लक्षवेधक - २०१८ च्या स्पर्धेचा आनंद एकूण ३ अब्ज ५७ कोटी २० लाख दर्शकांकडून - यंदाच्या स्पर्धेत यात १ अब्ज ५० कोटींची वाढ अपेक्षित - २०२२ च्या स्पर्धा प्रक्षेपणाचे हक्क १२० देशातील १३० दूरचित्रवाणी वाहिन्यांकडे - फिफाच्या अहवालानुसार २०१८ च्या स्पर्धा प्रक्षेपणाचा ३० कोटी ९७ लाख चाहत्यांनी डिजीटल माध्यमातून अथवा फॅन्स झोन अथवा रेस्टॉरंटमध्ये आनंद - चार वर्षापूर्वीच्या अंतिम सामन्याच्या थेट प्रक्षेपणाचा आनंद १ अब्ज १२ कोटी चाहत्यांकडून.
