मटा प्रतिनिधी, औरंगाबादः सिडकोतील एन वन परिसरातील उद्यानात मंगळवारी सकाळी साडे सहाच्या सुमारास आढळल्याने एकच खडबळ उडाली. शहरातील मुख्य वस्तीत बिबट्या शिरल्यानं आश्चर्य व्यक्त केले जात आहे. मॉर्निंग वॉकसाठी उद्यानात आलेल्या महिलेनं उद्यानात बिबट्या फिरत असताना पाहिले. बिबट्याला पाहताच घाबरलेल्या महिलेनं आरडा-ओरडा करत परिसरातील नागरिकांना बोलावलं. बिबट्याला पाहण्यासाठी शहरातील नागरिकांना मोठ्या प्रमाणात गर्दी केली आहे. बिबट्याची माहिती कळताच वनविभागाची टीम घटनास्थळी पोहचली असून बिबट्याला जेरबंद करण्याचे प्रयत्न सुरू आहेत. वनविभागाची टीम आणि पोलिसांचा पहारा पूर्ण परिसरात असून नागरिकांना सतर्क राहण्याचे आवाहन केलं आहे. तसंच, घरांचे दरवाजे बंद करून घेण्याच्या सूचना अधिकाऱ्यांनी दिल्या आहेत
