नवी दिल्लीः देशाचे पहिले पंतप्रधान पंडित जवाहरलाल नेहरूंची ( ) आज जयंती. पंतप्रधान मोदींनी ट्विट करून त्यांना आदरांजली वाहिली आहे. नेहरूंचा जन्म १८८९ मध्ये झाला होता. बराचकाळ ते देशाचे पंतप्रधान होते. त्यांच्या जयंतीच्या पार्श्वभूमीवर पंतप्रधान मोदींनी ट्विट केलं आहे. पंडित जवाहरलाल नेहरूंच्या जयंतीनिमित्त त्यांना आदरांजली, असं ट्विटमध्ये पंतप्रधान मोदी म्हणाले. काँग्रेस नेते राहुल गांधी यांनी विचार शेअर करत त्यांना आदरांजली वाहिली. राहुल गांधी यांनी ट्विट केलं आहे. पंडित नेहरूंचा फोटो त्यांनी ट्विटमधून शेअर केला आहे. 'आपल्या हवे आहे, शांतता निर्माण करणारी पिढी', हा पंडित नेहरूंचा विचार त्यांनी ट्विटमधून शेअर केला आहे. भारताच्या पहिल्या पंतप्रधानांचे स्मरण करूया. त्यांनी सत्य, एकता आणि शांततेला अधिक महत्व दिले, असं राहुल गांधी म्हणाले. काँग्रेसच्या हंगामी अध्यक्ष सोनिया गांधी यांनी शांतीवन येथे जाऊन जवाहरलाल नेहरूंच्या समाधावीर आदरांजली वाहिली. काँग्रेस सरचिटणीस प्रियांका गांधी यांनी एक फोटो ट्विट करत पंडित नेहरूंना आदरांजली वाहिली. प्रियांका गांधी यांनीही ट्विट करून पंडित नेहरूंचा विचार शेअर केला आहे.
https://ift.tt/3Hh44ps